2024-05-30: Дастаи Тоҷикстандарт ғолиби ҷоми раиси шаҳри Турсунзода гардид

Вобаста ба таҷлили Рӯзи ҷавонон ва Рӯзи умумиҷаҳонии футбол чанде буд, ки миёни дастаҳои идораҳои марбута дар шаҳри Турсунзода бозии футболи хурд ҷараён дошт. Дар ин бози 18 даста иштирок намуда беҳтаринҳо ба давраи ниҳоӣ роҳ ёфтанд.

Имрӯз қисмати ниҳоии бозӣ баргузор гардид, ки кормандони Маркази Тоҷикстандарт дар минтақаи Турсунзода ҷойи якумро соҳиб шуданд.

Дар ин бозӣ дастаи кормандони Тоҷикстандарт дастаи бонки байналмилалиро шикаст дода соҳиби ҷойи якум ва ҷоми раиси шаҳр гардиданд.

Ҷойи сеюм бошад насиби мактаби варзишии шаҳри Турсунзода шуд.

Ёдовар бояд шуд, ки дар таърихи фаъолият бори аввал аст, ки кормандони Маркази Тоҷикстандарт дар минтақаи Турсунзода ба ин муваффақият ноил шуданд.

Маркази матбуоти Агентии Тоҷикстандарт аз номи роҳбарият ва кормандони Агентии Тоҷикстандарт тамоми дастаро барои ғолибияташон табрику муборакбод намуда, барояшон комёбиҳои бештарро таманно менамоянд.